Fidanishtja

Mujë Rugova i shfrytëzon ditët e fundit si rektor

/ 2 minuta lexim

Në muajin e fundit të mandatit prej rektori të Universitetit të Prishtinës, Mujë Rugova ka ndërmarrë një sërë vendimesh për të akomoduar dhe avancuar njerëz luajalë të tij në pozita dhe për të regjistruar student të jashtëligjshëm.

Kjo, siç shkruan “Koha Ditore” pa shpallur konkurs dhe pavarësisht kufizimeve në vendimmarrje që i kishte vënë dy muaj më parë Këshilli Drejtues. Rokadat do ta kenë vëmendjen e pasuesit të Rugovës, Ibrahim Gashit.

Rektori i ri që do të marrë detyrën nga e hëna e ardhshme, do ti rishqyrtojë vendimet. Pastaj, do të vendosë së si të veprojë. Sipas burimeve të gazetës, “Koha Ditore”, Hysni Krasniqi që ishte drejtor prokurorimi, me një vendim të Rugovës është bërë koordinator i Qendrës së të drejtave të njeriut, që është në kuadër të UP-së.

Mobi Casa

Në vend të Krasniqit është vënë Afrim Bajraktari, i cili ishte zyrtarë prokurorimi. Ngjashëm edhe Naser Hyseni është bërë drejtor i auditimit të brendshëm. Ai ishte vënë në këtë pozitë më herët, disa kohë pasi ishte suspenduar nga puna bashkë me djalin e rektorit Rugova, Armendin, për t’u bërë pasataj ushtrues detyre i sekretarit të përgjithshëm të UP-së, dhe për tu rikthyer në pozitën e mëhershme.

Me dekret Rugova ka bërë drejtor të çështjeve akademike gazmend Shabajn, një zyrtarë ligjorë. Në këtë pozitë ishte Halil Bala, që ka mbushur moshën e pensionimit.
Në saje të një vendimi, dhe pa konkurs, është bërë Ilir Hajdari drejtor financash. Në konkursin për këtë pozitë, një tjetër kandidatë ishte zgjedhur, por Rugova pastaj kishte vendosur ta vendoste Hajdarin me dekret. Edhe pozitën më të lartë në administratë, atë të sekretarit të përgjithshëm, gati gjatë gjithë mandatit Rugova e ka mbajtur me ushtrues detyre.