Muhamet Aliut i ndërtohet shtëpia fal mërgimtarit Qemajl Ruhani

Gjilan – Qemajl Arif Ruhani me vendbanim në Hanover të Gjermanisë e ka bërë me shtëpi të re familjen e Muhamet Aliut nga Vërbica e Zhegovcit i cili deri dje jetonte në kushte shumë të rënda.

Familja e Muhamet Aliut ka pasur një gëzim të madh këtë të shtune pasiqë atij i është ndërtuar shtëpia e re fal zemërgjerësisë dhe humanizmit që ka treguar mërgimtari Qemajl Ruhani i mbështetur edhe nga bashkëshortja Shpresa dhe fëmijët Blediana e Adonisi.

“Për mua është një gëzim i papërshkrueshëm dhe nuk di si ta falënderojë këtë mërgimtarë tepër human e njerëzor “u shpreh Muhameti i cili ka gjashtë anëtar të familjes.

Kurse mërgimtari Qemajl Ruhani tha se asnjëherë nuk ka hezituar për të përkrahur e ndihmuar njerëzit e pastrehë. “E kam ditur gjendjen e kësaj familjeje dhe familjarisht vendosëm ta kurorëzojmë këtë aksion i cili po më vije tepër mirë që u krye para dimrit” është shprehur Ruhani.

Ruhani mendon se mërgimtarët, por edhe shoqatat që veprojnë në perëndim duhet të tregohen edhe më solidar dhe të gjejnë raste të tilla sociale e banimi për tua krijuar kushtet elementare familjeve nevojtare./rajonipres/