Mr.Bean i kthehet Teatrit

Aktori Rowan Atkinson, i cili njihet më tepër si Mr. Bean, pas 25 viteve do të aktrojë sërish në një shfaqje teatrore. Në versionin e ri të një komedie të Simon Gray, nga viti 1981, Atkinsons do të luajë rolin e mësuesit.

“Quartermaine’s Terms” (Kushtet e Quartermaine) quhet rrëfimi ngjarja e të cilit ndodh në vitet e 60’a të shekullit të kaluar, dhe që flet për jetën e shtatë mësuesve në një shkollë angleze për të huaj.

Produksioni i ri, në regji të sir Richard Eyre, do të jepet në Brighton dhe Bath (Angli) në janar të vitit të ardhshëm , e pastaj edhe në Londër, për 12 javë të tjera, njofton BBC. Komediani i njohur i tha televizionit BBC se falë rolit të Fagin, në muzikalin ‘Mackintosh’, ai sërish zbuloi dashurinë e tij për teatrin.

“Kam dëshirë të luaj në teatër, sepse këtë gjë s’e kam bërë tash 20 vjet. U befasova sa këndshëm u ndjeva derisa po e aktorja Fagin’in”, deklaroi Atkinson. Ky rol ia solli atij nominimin për Çmimin Olivier, për rolin më të mirë aktorial në një muzikal.

Ndryshe, Atkinson debutoi si aktor në West End, më 1981, ndërkaq famën botëror si aktor e arriti falë personazheve Mr. Bean dhe Black Adder.