Moti për javën e ardhshme: Borë, erë dhe shi

Instituti Hidrometeorologjik i Kosovës ka njoftuar për parashimin e motit për pesë ditët e ardhshme.Sipas IHMK-së, fushat me presion të ndyshueshëm atmosferik të cilat e kanë përfshirë gadishullin e Ballkanit, do të jenë labile gjatë kësaj periudhe të parashikimit.

“Në këtë gjendje labile do të mbajë mot i ndryshueshëm me vranësira, reshje shiu dhe periudha me diell”, deklaron IHMK.

“Në viset malore sërish pritet të ketë reshje të dobëta bore. Kjo gjendje e motit do të përcillet edhe me erëra të cilat pritet të fryjnë ditën e hënë”.

“Temperaturat minimale do të lëvizin ndërmjet 1-3 gradë, kurse maksimalet e ditës do të lëvizin ndërmjet 9-13 gradë celsius”, shkruan në njoftim.

“Shtypja atmosferike të hënën dhe pjesën e parë të ditës së martë do të mbeten nën vlerat e normales kurse, në pjesën e dytë të ditës dhe tutje, shtypja e ajrit do të rritet.

“Të hënën ku pritet të jenë temperaturat më të larta se ditët tjera do të fryjë erë nga jugu dhe juglindja, ku do të vazhdojnë edhe pjesën e parë të ditës së martë, kurse në ditët tjera do të fryjë erë nga veriu dhe veri perëndimi me shpejtësi 1-8m/s.