Moti gjatë javës, ngrica dhe mjegull – temperaturat deri në -9 gradë

Instituti Hidrometeorologjik i Kosovës (IHMK), ka publikuar parashikimin e motit për javën e ardhshme, nga 19 deri më 23 janar 2026, duke paralajmëruar mot kryesisht të vranët, ngrica në orët e mëngjesit dhe vende-vende mjegull, me temperatura të ulëta në shumicën e territorit të vendit.

Sipas IHMK-së, gjatë javës do të ketë intervale të shkurtra me diell, ndërsa të enjten parashihen riga shiu në disa zona dhe fjolla bore në viset malore.

E hënë, 19 janar

Moti do të jetë i vranët me intervale me diell. Ngrica do të përfshijë gjithë territorin e Kosovës.

Temperaturat minimale do të lëvizin nga -9 deri në -7 gradë Celsius, ndërsa ato maksimale nga -1 deri në 3 gradë Celsius.
Era do të fryjë kryesisht nga veriperëndimi me shpejtësi 1–3 m/s.

E martë, 20 janar

Parashikohet mot i vranët me intervale me diell. Në orët e mëngjesit priten mjegull dhe ngrica.

Temperaturat minimale do të jenë nga -9 deri në -7 gradë Celsius, ndërsa maksimalet nga 1 deri në 5 gradë Celsius.
Era do të fryjë nga veriperëndimi me shpejtësi 1–4 m/s.

Sipas të dhënave për disa komuna për ditët 19 dhe 20 janar, temperaturat minimale dhe maksimale do të jenë:

Prishtinë: -8°C / 2–4°C
Pejë: -8°C / 2–4°C
Prizren: -7°C / 3–5°C
Gjakovë: -7°C / 3–5°C
Dragash: deri në -9°C / -1–1°C
Ferizaj, Gjilan, Kamenicë, Besianë, Mitrovicë: -8°C / 1–3°C

E mërkurë, 21 janar

Moti do të jetë kryesisht i vranët. Në mëngjes parashihen ngrica dhe mjegull lokale.

Temperaturat minimale do të lëvizin nga -8 deri në -5 gradë Celsius, ndërsa maksimalet nga 1 deri në 4 gradë Celsius.

Era do të fryjë kryesisht nga juglindja me shpejtësi 1–8 m/s.

E enjte, 22 janar

Parashikohet mot i vranët, me riga shiu vende-vende, ndërsa në viset e larta fjolla bore.

Temperaturat minimale do të jenë nga -3 deri në -1 gradë Celsius, ndërsa maksimalet nga 3 deri në 5 gradë Celsius.

Era do të fryjë nga juglindja me shpejtësi 1–5 m/s.

E premte, 23 janar

Moti do të mbetet kryesisht i vranët.

Temperaturat minimale do të lëvizin nga -2 deri në 1 gradë Celsius, ndërsa maksimalet nga 3 deri në 7 gradë Celsius.

Era do të jetë e lehtë deri mesatare nga drejtimi i juglindjes.

Sipas tabelës së publikuar nga Agjencia për Mbrojtjen e Mjedisit të Kosovës, temperaturat për ditët 21–23 janar në disa qytete do të jenë:

Prishtinë: -6°C / 3°C, -2°C / 4°C, -1°C / 6°C
Prizren: -5°C / 4°C, -1°C / 5°C, 1°C / 7°C
Gjakovë: -5°C / 4°C, -1°C / 5°C, 1°C / 7°C
Dragash: -8°C / 1°C, -3°C / 3°C, -2°C / 3°C
Ferizaj, Gjilan, Mitrovicë: deri në -7°C / 2–6°C.