UBT

Mot me diell e temperatura pranverore, parashikimi i motit për sot

/ 2 minuta lexim

Mot kryesisht me diell parashihet të mbajë edhe të shtunën ditën festive të 17 shkurtit, sipas “Mendimi për motin”. Temperaturat gjatë ditës do të jenë pothuajse pranverore, me maksimale deri në 14C e 15C. Mirëpo në mëngjes minimalet ende mbesin të ulëta e zbresin në -3C deri 0C, raporton Express.

Nga dita e diell dhe përgjatë ditëve të para të javës vijuese më shumë vransira fillojnë të shfaqen mbi vend, që edhe mund të shoqërohen me ndonjë rigë shiu. Nuk do të mungojnë as intervale me diell. Temperaturat megjithë një rënie të lehtë, mbeten të larta për këtë periudhë kohore, me maksimale që zbresin nga 12C deri në 8C, ditën e mërkurë.

Hidromorava

“Koncentrimet e ndotësve ajror pritet të jenë më të rritura ditëve vijuese, sidomos në kushte të qaarkullimit jo të mirë ajror. Indeks mund të kaloj kohë më të gjatë në vlera të dobëta, e orëve të mbrëmjes shkurtimisht edhe në jashtëzakonisht të dobëta. Ditën e diel parashihet të ketë më shumë erëra, që mund të përmirësojë cilësinë e ajrit, së paku gjatë ditës, kur indeksi zbret edhe në vlera të pranueshme”, thuhet në njoftim.