Mogillasit me aksion vullnetarë, pastruan fshatin!

Gjilan – Me iniciativën e drejtorit të Administratës dhe Shërbimeve Publikë pranë komunës – së Kllokotit Hidajet Ahmeti dhe arsimtarit të shkollës fillore “Gjon Serreqi” në Mogillë, Nexhat Ademi, është ndërmarrë një aksion për pastrimin e fshatit Mogillë.

Këtij aksioni vullnetarë ju bashkëngjitën qytetarë, studentë e nxënës të këtij fshati.

Ahmeti ka falënderuar të gjithë ata që shprehën gatishmërinë dhe vullnetin e mirë për t’iu bashkuar këtij aksioni vullnetarë, që ka qëllim të mirë për shëndetin e banorëve, imazhin e fshatit dhe njëkohësisht vetëdijesimin qytetarë. “Aksione të tilla duhet të merren më shpesh, në njërën anë që të kemi ambient sa me të pastër kurse në anën tjetër që ky aktivitet të përçojë një mesazh të mirë te të gjithë qytetarët, që ta ruajnë, kujdesën dhe pastrojnë ambientin ku jetojnë”, ka thënë Ahmeti./rajonipress/