Mogherini mirëpret gatishmërinë e Mustafës dhe Thaçit për zbatim të marrëveshjeve me Beogradin

Kryeministri i Republikës së Kosovës, Isa Mustafa, i shoqëruar nga zëvendëskryeministri Hashim Thaçi dhe ministri i Integrimeve Evropiane, Bekim Çollaku, ndodhen në Bruksel, ku të martën janë takuar me kryetarin e Parlamentit Evropian, Martin Schultz, dhe me përfaqësuesen e lartë të BE-së për Politikë të Jashtme dhe Siguri, shkruan sot Koha Ditore.

Asnjë nga mikpritësit e delegacionit nga Kosova nuk ka pasur paraqitje të përbashkët para gazetarëve me ta, që nuk është zakon kur priten delegacionet e nivelit kaq të lartë.

Si zakonisht, edhe kësaj radhe gjatë takimit në Parlamentin Evropian me kryetarin e këtij institucioni, Martin Schultz, ka qenë i vendosur edhe flamuri i Republikës së Kosovës, që dëshmon se ky është ende institucioni i vetëm i BE-së që Kosovën vazhdon ta trajtojë si shtet të pavarur.

Në një deklaratë të lëshuar nga zyra e përfaqësueses së lartë të BE-së, Federica Mogherini, pas takimit të saj me kryeministrin e Kosovës Mustafa dhe me zëvendëskryeministrin Thaçi, thuhet se ajo “u ka shprehur mbështetje për angazhimin e tyre për rikthimin e punës normale të Parlamentit”

http://koha.net/?id=27&l=84961