Mogherini: Dialogu vazhdon, kushdo që formon Qeverinë në Kosovë

Pasardhësja e Baroneshës Caherine Ashton në postin e përfaqësueses së lartë të BE-së për Politikë të Jashtme dhe Siguri, Federica Mogherini, aktualisht ministre e Jashtme e Italisë, ka thënë të martën në Bruksel se pret që, kushdo që të formojë qeverinë e Kosovës, do të ketë vullnet për të vazhduar dialogun me Beogradin dhe për të zbatuar marrëveshjet e arritura deri më tash.

“Duhet të presim se si do të formohet Qeveria e Kosovës. Nga takimet që kam pasur unë në Kosovë dhe në Serbi kam parë një vullnet të fortë për vazhdimin e dialogut. Kjo është e rëndësishme por po aq e rëndësishme sa vazhdimi i dialogut është zbatimi i asaj që është arritur deri më tash si marrëveshje në këtë dialog”, ka thënë ajo duke folur para deputetëve të Parlamentit Evropian në Komisionin e Politikës së Jashtme, shkruan sot Koha Ditore.