Mjerimi i Izmi Zekës në pak rreshta tekst dhe huqja e tij e madhe

Po e bëjmë një sqarim të shkurtër në formë të përgjigjes ndaj një shkrimi të lodhtë të Izmi Zekës që e ka titulluar “Mjerimi nuk paska kufij” e ku në mënyrë të ultë, primitive dhe pa asnjë argument mundohet ta sulmojë Rajonipress. Izmi Zeka duhet t`i kuptojë rregullat dhe kriteret e gazetarisë dhe nuk ka asnjë arsye të na mbajë ligjërata për një fotografi e cila ishte publike, por që rajonipress askund se ka përmendur emrin e tij.

Lexojeni reagimin e Izmi Zekës, pa ndërhyrje

Mjerimi nuk paska kufijë
Dje në një takim krejt të rastësishëm me njerëzit e partisë në Gjilan që kam punuar gjatë qenka bërë senzacion për disa portale të cilat asnjëherë nuk ja kan dasht të mirën PDK-së në Gjilan.
Rajonipress është për dhimbje se si dhe në cfarë mënyre keqpërdor një fotografi ku jam edhe unë,ku gënjen opinionin dhe shtrembëron realitetin e PDK-së në Gjilan.Unë nuk jam shumë ithtarë i debateve apo edhe i reagimeve por njerëzit për interesa meskine dhe interesa që datojnë prej vitit 2007 kanë dëmtuar PDK-në në Gjilan tani dalin dhe japin opinione që u shërbejnë një pakice të njerëzve për interesa që vetëm ata i dijnë por jo kurrë PDK-ja në Gjilan.Unë rri me të gjithë njerëzit e Gjilanit pa dallim por në vecanti me strukturën e PDK-së pa dallim.
Konceptet e mija për një shtet ligjor nuk do të pushojnë asnjëher dhe në asnjë moment. Rreshtimi im që nga angazhimi im politik prej themelimit të PDK-së në nivel nacional e deri më sot ka qenë dhe do të mbetet për një PDK të strukturuar dhe të fuqishme por asnjëherë në atë vijë e cila në një mënyrë apo tjetër PDK-në e shohin si streh për të mbuluar të palarat e tyre.
Procesin e reformimit të PDK-së nuk do të mund ta ndal askush as edhe ata që thirren në ,trashëgimin e PDK-së, por as ata që thirren në emër të liderit të partisë.
Aq sa mund të ndalin ky profil i njerzëve ardhjen e pranverës aq mund ta ndalin fitoren e PDK-së në nivel nacional ashtu edhe në nivel lokal.

Përgjigja e Rajonipress

Siç e tham edhe në fillim këtë sqarim po e bëjmë për hir të lexuesve tanë sepse janë të shumtë dhe e kemi për obligim, por nuk kishim obligim ta botonin një shkarravinë të Izmi Zekës që nuk kishte elemente për botim.

E para nga kush paska frikë Izmi Zekq që po e përmend shtetin ligjor dhe tjetra pse dhe kush është pengesë për PDK ose kush po e stopon progresin e PDK-së në Gjilan.

Pra këto janë halucinacione të Izmi Zekës dhe frika dhe ndërgjegjja e tij e vrarë që po qëndronte përballë Qemajl Mustafës. Ne e kemi botuar foton sepse ajo ishte publike dhe asgjë të keqe nuk kishte aty.

Pse ta keqpërdorim një foto ne kur ajo u shpërnda nga rrjetet sociale dhe u pa si nj foto e bashkimit. Sipas kësaj që flet Izmi Zeka, ai qenka kundër përpjekjes që PDK të jetë e bashkuar dhe e konsoliduar.

Ne, Izmi Zeka jemi portal profesional dhe nuk dorëzohemi nga shantazhet e tuaja dhe presionet e tuaja prej zv. Ministri, që fort mirë e din se asgjë dhe asnjë të mirë nuk ia ke sjell Gjilanit dhe Anamoravës. E ke marrë një rrogë dhe je sorollatur e argëtuar në rrjetet sociale, kaq ka qen angazhimi yt për këtë shtet.

Ne e kuptojmë ku ju dhemb juve dhe e dimë saktë përse. Neve nuk na intereson si portal se kush do jetë fitues, por ne normalisht që jemi për një proces të drejtë dhe jo me linçime e pazarllëqe e kuzhina kriminale siç jeni mësuar t`i goditni njerëzit në stilin e Klanit Pronto. Kjo situatë ka perënduar Izmi Zeka.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).