Fundamenti

Mjekësia Familjare pajiset me tri automjete të reja

/ 2 minuta lexim
Uji Dea

Gjilan – Ismet Morina drejtor i Qendrës Kryesore të Mjekësisë Familjare në Kamenicë, ka thënë se falë donacionit të Qeverisë Japoneze zyrës saj në Prishtinë, Qendra Kryesore e Mjekësisë Familjare e Kamenicës, u pajis me dy automjete të reja nga kjo qeveri si dhe një automjet nga buxheti komunal i Kamenicës.

Automjetet janë: një kombi-bus për pacientët e hemodializës, çka ka përmirësuar dukshëm kushtet për transportin e këtyre pacientëve deri në qendrën për hemodializë në Spitalin Rajonal të Gjilanit, për gjashtë ditë rresht në javë.

Po ashtu, edhe një autoambulancë e re për transportin e rasteve urgjente deri në Spitalin Regjional të Gjilanit apo QKUK në Prishtinë, me çka janë përmirësuar dukshëm kushtet në shërbimin e urgjencës, gjegjësisht shërbim më të shpejtë dhe profesional për të gjitha rastet urgjente sipas kërkesave tha Morina.

Uji Dea

Me këtë donacion ka përfituar QKMF-ja në Kamenicë, por në radhë të parë vet pacientët e kësaj komune, sepse këto shërbime do të shfrytëzohen vetëm për rastet emergjente.

Ai tha se nga buxheti komunal, kemi pranuar një automjet të terrenit, destinim kryesor i të cilit është transporti i mjekut në ambulancat e Mjekësisë Familjare në teren sipas orarit të caktuar, i cili së shpejti do të lëshohet në përdorim./rajonipress/