E ardhmja e Erton Fejzullahut ende mbetet e paqartë. Sulmuesi me prejardhje kosovare është rikthyer te klubi holandez NEC Nijemengen, pasi i ka skaduar periudha e huazimit te klubi suedez Majallby.
Mirëpo, sipas medieve suedeze, Fejzullahu mund të rikthehet serish në Mjallby për një ofertë më të mirë. Klubi shpreson që futbollisti nuk do ta marrë ndonjë ofertë më të mirë nga ndonjë klub tjetër gjatë kësaj vere.
“Mund të jetë kështu. Nëse nuk vjen ndonjë ofertë më e mirë, ne gjithmonë jemi aty”, ka thënë drejtori sportiv i klubit, Jorgen Martinsson, për mediat suedeze.
Mësohet se Mjallby i ka ofruar kosovarit me pasaportë suedeze kontratë dyvjeçare me një rrogë prej 50 mijë krona (rreth 5000 euro) në muaj dhe një klauzolë që këtij ekipi duhet t’i paguhet një përqindje si kompensim për transferimin e ardhshëm.
Mirëpo, sipas mediave suedeze, skuadra e njohur nga ky vend Djurgarden mund të jetë kandidat serioz i Majllbyt, pasi i ka ofruar rrogë më të madhe Fejzullahut. E ky i fundit thotë se asgjë nuk ka konkrete.
“Janë shumë gjëra që duhet të sqarohen, jo vetëm rroga ime. Asgjë nuk është vendosur deri tash, gjithçka varet nga ajo se çka mund të ofrojë Mjallby. Për klubet tjera të interesuara nuk dua të komentoj, gjatë këtij afati do të dihet gjithçka”, ka theksuar sulmuesi kosovar.
