Missi synon karrierë edhe në muzikë?

Një Mis që kërkon të bëjë karrierë edhe në muzikë. Bëhet fjalë për fituesen e Miss Kosova 2010, Morena Taraku.

Siç bëjnë të ditur mediat kosovare bukuroshja Taraku ka talent në muzikë. Ajo jo vetëm ka menduar ti hyjë seriozisht kësaj rruge, por tanimë ka filluar me projektin që do të sjellë. Ajo madje ka zgjedhur edhe kompaninë me të cilën do të punojë.

Bëhet fjalë për kompaninë e re që së shpejti do të dalë në publik, kompania muzikore “elephant”. Morena përveçse një figurë e suksesshme në botën e modës dhe atë televizive, pritet të ketë sukses edhe në muzikë.

Morena është fituese e Miss Kosova 2010, teksa ka marrë pjesë në Miss Earth 2010. Ajo përfaqësoi Shqipërinë në Miss World 2012 dhe ishte edhe prezantuese e Video Festit Muzikor, teksa ka qenë edhe imazh i kompanisë DigitAlb.