“Miss Amerika”, 23-vjeçarja fiton nga inteligjenca

Mallory Hagan, një vajzë amerikane 23-vjeçare, me origjinë nga Brooklyn, është zgjedhur “Miss Amerika” e re për vitin 2013.

Ajo ka arritur që të triumfojë duke marrë këtë titull të madh bukurie, ndër 51 vajza të tjera që e aspironin atë. Dhe ajo që duket se jurinë e ka “goditur” prej kësaj vajze, ishte pikërisht inteligjenca e shfaqur ndër pyetjet që iu bënë në formë testi.

Kështu, përgjigjia e dhënë prej saj në lidhje me një pyetje që iu bë lidhur me armët, duket se e “goditi” më shumë jurinë:

“Unë nuk mendoj se mënyra më e drejtë për të luftuar dhunën është dhuna, dhe unë mendoj se mënyra më e mirë është për t’i edukuar njerëzit në lidhje me përdorimin e duhur të armëve”, mësohet të jetë shprehur ajo.