Gjilan – Misioni në largim i EULEX-it në Gjilan ka ndihmuar me pajisje teknologjike, inventar në banka e tavolina dhe kontejner objektin e stadiumit të qytetit tha Veton Nevzadi.
Misioni i EULEX-it në Gjilan , pak para largimit është treguar zemërgjerë. Ky mision tashmë ka ndihmuar disa drejtori me kompjuter, dhe gjësende tjera të nevojshme si inventar e infrastrukturë.
Veton Nevzadi drejtor për kulturë e sport tha për rajonipress se EULEX-i pak para se të largohej nga Gjilani ka ndihmuar edhe këtë drejtori dhe në veçanti ka ndihmuar stadiumin e qytetit në Gjilan. “Objekti i stadiumit ku ndodhet zhveshtorja , sallat për ligjërata dhe trajner e refer është ndihmuar me pajisje si inventar në banka e tavolina, mjete për fikje të zjarrit dhe një kontejner të madh”.
Nevzadi tha se kjo ndihmë e ka pajisur me infrastrukturë edhe ashtu të varfër stadiumin e qytetit . Sipas Nevzadit ky objekt ka përfituar nga EULEX dhe një teknologji për vendosjen e kamerave.
Nevzadi tha se stadiumi i qytetit pas rregullimit të fushës , me këtë ndihmë e bënë edhe më të sigurt edhe në rastet e ndryshme të sulmeve apo huliganizmave të ndryshëm. “Ne i jemi mirënjohës EULEX-it sepse ka qenë dëshira e tyre që të përzgjedhin pikërisht objektin e stadiumit të Gjilanit “ tha Nevzadi./rajonipress/
