Mirësjellja i kushtoi Ozzy Osbourne 80 mijë dollarë

Arizona – Gjatë performancës në Arizonë, këngëtari i muzikës rok, Ozzy Osbourne, ka vënë re një grua me fëmijë në audiencë, kështu që vendosi t’ua hidhte një shishe me ujë për t’u freskuar.

Megjithatë, aksidentalisht goditi fëmijën në kokë dhe me këtë rast nëna e tërbuar ka paditur muzikantin dhe po kërkon një dëmshpërblim në vlerë prej 80 mijë dollarësh.

Performanca në Phoenix të Arizonës do t’i kushtojë shumë të famshmit, Ozzy Osbourne, i cili duke u përpjekur që të hiqej i sjellshëm dhe i mirë, fitoi një padi.

“Një grua budallaqe ka sjellë fëmijën e saj njëvjeçar në koncert, në vend se ta linte në shtëpi ose që të përkujdesej për të në prapaskenë. Është dashur që ta largonte nga vapa! Ozzy e kishte parë atë dhe i kishte ardhur keq për fëmijën. Ozzy është me të vërtetë një njeri i mirë.

Ai i hodhi asaj një shishe me ujë, por goditi fëmijën. Ka fituar një padi në vlerë prej 80 mijë dollarësh”, tha kitaristi Zack Wilde për revistën “Noiswcreep”.