Mireshi vazhdon ta mbajë të pastër ambientin, shembull për tërë Kosovën

Gjilan – Rinia e fshatit Dobërqan (Miresh), ka ndërmarrë një aksion për pastrimin dhe rregullimin e pjesës së pasme së shtëpive të shëndetit dhe asaj të kulturës, ku morën pjesë një numër i të rinjve të cilët me vullnet të madh dhe të zellshëm në punë, arritën që për një kohë të shkurt ta përfundojmë aksionin me sukses ka shkruar Arlind Abdyli.

“Aksione të tilla nuk na marrin shumë kohë as nuk kërkojnë shumë mund thjeshtë duhet te kemi vullnet, mirëkuptim, unitet, e pastaj as nuk ndjemë lodhje e s`ka si të na duket humbje kohe kur në fund përfundojmë diçka me kënaqësi dhe buzëqeshje” ka shkruar Arlind Abdyli.

Abdyli ka thënë se të hënën formohet grupi punues që do të formohet në kuadër të rinisë së fshatit ku mendohet të zgjidhet nga një përfaqësues prej secilës lagje të fshatit që në të ardhmen të kemi mundësi të zgjerohemi dhe të organizojmë aksione të ndryshme nëpër gjitha lagjet e fshatit pavarësisht natyrës së aksioneve që ndërmerren qofshin ato kulturore, humanitare, apo edhe pastrimi” ka thënë ai./rajonipress/