Mireshi mirëpret rikthimin e Qemajl Mustafës

Gjilan – Ekrem Kryeziu nga nëndega e Mireshit tha se e kanë mirëpritur rikthimin e Qemajl Mustafës sepse mendojmë se është i vetmi kandidat që mund ta kthejë shpresën tek struktura e PDK-së.

Qemajl Mustafa ish kryetar i degës së PDK-së dhe ish kryetar i Gjilanit me kërkesën e shumë nëndegëve dhe të aktivistëve ka nisur takimet e hapura me nëndegë të PDK-së në Gjilan.

Ekrem Kryeziu nga nëndega e Mireshit tha se Qemajl Mustafa të dielën ka qëndruar në Miresh ku është mirëpritur kthimi i tij.”Ishte një takim i hapur dhe i sinqertë me aktivistët e nëndegës të cilët e kanë pritur me padurim kyçjen e Qemajl Mustafës, sepse mendojmë se është kandidati i vetëm që mund ta nxjerrë nga kriza dhe agonia e thellë degën e Gjilanit” tha Kryeziu./rajonipress/