Mireshi, jo vetëm në pastërti janë të parët, ata po tregohen të mirë edhe në anën humane

Gjilan – Fshati Miresh i cili konsiderohet si njëri nga fshatrat më të pastërta në Kosovë, ka edhe një anë tjetër që shquhet për humanizëm e vullnetarizëm të gjakut.

Fshati Miresh i Gjilanit janë një nga fshatrat ku organizimet kolektive zënë vend në çdo sektor të jetës.

Ky fshat tashmë ka një ambient të pastër, hapësira gjelbëruese që mirëmbahen mirë, por ata kohëve të fundit kanë treguar edhe anën humane duke dhuruar gjak për ata që kanë nevojë.

Agron Murseli i cili është shumë i gjallë dhe aktiv në organizime të tilla ka paraqitur një foto ku shihet pjesëmarrja e banorëve të Mireshit në dhurimin e gjakut. “Vullnetarizmi s’duhet të ketë kufi, dhuruam gjak ne që kemi për ata që s’kanë” ka shkruar Murseli duke falënderuar të gjithë ata që kanë hapur zemrat e tyre humane./rajonipress/