“Mirënjohja” për më të merituarin e Diasporës

Autoritetet e Komunës së Bujanocit, me rastin e shënimit të “Ditës së Diasporës”, me një “Mirënjohje”, kanë nderuar veprimtarin e palodhshëm të çështjes kombëtare dhe humanitare, ish kryetarin e Lidhjes së Mërgimtarëve të Tërnocit në Zvicër, Skender Jusufin.

Ndarja e “Mirënjohjes” për Skender Jusufin, është një akt madhor i pushtetit lokal, i cili asnjëherë nuk i ka harruar veprimtarët e diasporës, e veçmas aktivistët si Skender Jusufi, shpirti i të cilit për 30 vjet rresht i ka mbajtur të bashkuar tërnocalitë në Diasporë.

Veprimtari i devotshëm Skender Jusufi, meriton më shumë se një “Mirënjohje”, ai gjithmonë ka punuar me zemër e jo për emër e reklama. Ai edhe sot në pension nuk e ndal veprimtarinë e tij në shërbim të qytetarëve dhe veprimtarëve kudo qofshin ata.

Për veprimtarinë e Skender Jusufi, kanë shkruar gazetat nacionale si “Bota sot” dhe ato lokale si “Jehona”, “Jetapress”, “Tërnocipress”, e mediume te tjera informative.

Redaksia e portalit informative “Jetapress” e përgëzon veprimtarin Skender Jusufi, për “Mirënjohjen”, duke i dëshiruar atij shëndet dhe suksese në vazhdimësi. Respekt! Jetapress.