“Miqtë e rremë” të dietës që ju shëndoshin

Shumë prej nesh, për të mbajtur figurën, ndjekin me përpikëri një dietë. Megjithatë, ndër ushqimet që zakonisht i konsiderojmë të dobishme për të mos humbur formën, ka disa që në fakt shkaktojnë efektin e kundërt. Le të shohim në detaje se cilat janë ato, në mënyrë që të orientohemi më mirë në tavolinë.

Lëngjet e frutave : përmbajnë shumë sheqerna dhe, shpesh, një përqindje të ulët frutash. Më mirë të zgjidhni ato produkte që nuk përmbajnë ëmbëlsues dhe që nuk përftohen nga koncentrati (i cili ka dy herë më shumë kalori se fruti i patrajtuar) ose t’i bëni në shtëpi pa shtuar sheqer,

Drithëra dhe bare : kombinimi i kosit dhe drithërave mund të duket shumë i shëndetshëm dhe i lehtë për mëngjes, por drithërat në fakt janë të majme, pasi ato janë të pasura me sheqerna, yndyrna të hidrogjenizuara, yndyrna bimore me cilësi të ulët dhe konservues. Për një alternativë të shëndetshme dhe të bërë në shtëpi, provoni të përzieni së bashku 100 g tërshërë, një grusht oriz të fryrë, disa fruta të thata të përziera të prera në copa, 3 lugë gjelle mjaltë dhe 2 lugë vaj luledielli. Masën e shtrijmë në një tepsi dhe e pjekim në 180° për gjysmë ore, e përziejmë mueslin pak pas 15 minutash.

Soja : shpesh jo organike, ajo përmban OMGJ dhe estrogjene, përgjegjëse për çekuilibrat hormonalë që ju shëndoshin. Gjithashtu është më mirë të shmangni kosin e sojës, pasi është i pasur me sheqerna të shtuara.

Smoothies: pirja e një smoothie është e barabartë me të ngrënit e katër ose pesë porcioneve të frutave me sheqernat e tyre përkatëse, të cilat rrisin ngarkesën glicemike.

Çamçakëz dhe ëmbëlsira pa sheqer: si me lëngjet e frutave, ëmbëlsirat pa sheqer janë një koncentrat i ëmbëlsuesve dhe ëmbëlsuesve artificialë, të cilët janë toksikë në terma afatgjatë.

Fruta të ëmbëlsuara dhe të dehidratuara: ndryshe nga frutat e thata, një ushqim i shkëlqyer dhe super energjik, frutat e dehidratuara, si dhe frutat e ëmbëlsuara, janë vërtet të dëmshme për figurën. Procesi i tharjes të cilit i nënshtrohet, në fakt mund të rrisë sasinë e sheqerit deri në tre herë, ndërsa frutat e ëmbëlsuara kanë një sasi shumë të lartë sheqernash dhe vajrash. Prandaj është më mirë të preferoni fruta të freskëta dhe të thata.

Ushqime të lehta dhe pa yndyrë: për të kompensuar sasinë më të ulët të yndyrës dhe për t’i dhënë shije, industritë ushqimore shtojnë sheqerna, kripë dhe aditivë në këto ushqime. Sipas një studimi të kryer në Britaninë e Madhe, 10% e ushqimeve dietike përmbajnë të njëjtat apo edhe më shumë kalori sesa ushqimet e zakonshme, dhe 40% kanë më shumë sheqer.

/Gazeta Express

Shpërndaje.
© RAJONIPRESS