Ministrja e Integrimeve Europiane në detyrë Mimoza Ahmetaj vizitoi Kamenicën

Kamenicë – Ministrja në detyrë e integrimeve europiane Mimoza Ahmetaj, u mirëprit nga kryetari i komunës Begzad Sinani me bashkëpunëtorë.

Kryetari Sinani e njoftoi ministren me të gjitha proceset që po zhvillohen në Komunën e Kamenicës, në veçanti për investimet kapitale të cilat janë realizuar nga shfrytëzimi i fondeve të ndryshme, sidomos ato të Bashkimit Europian, Qeverisë së Republikës Kosovës, HELVETAS-it, etj.

Pastaj foli për të arriturat në realizimin e barazisë gjinore dhe nxitjen e bizneseve të reja. Ai numëroi një listë të gjatë të projekteve të realizuara gjatë këtij mandati. Ndërsa si objekte kapitale të financuara nga BE përmendi objekti i ri i komunës, objekti i shkollës së mesme mikse në Roganë.

Ministrja e Integrimeve Europiane Mimoza Ahmetaj përgëzoi kryetarin Sinani për punët e mira që po i bënë për qytetarët e komunës së Kamenicës njoftoi edhe për mundësitë e tërheqjes së fondeve, nga BE -së e ndër tjerash tha se duhet ta përgatitni një ekip të mirë për përgatitjen e projekteve komunale . Ajo ishte e entuziazmuar me të arriturat në Komunën e Kamenicës. Kryetari Sinani falënderoi edhe qeverinë e kaluar për bashkëpunimin dhe mbështetjen e dhënë për realizimin e shumë projekteve infrastrukturore në Komunën e Kamenicës.

Kryetari Sinani së bashku me Ministren Ahmetaj me bashkëpunëtorë vizituan parkun e qytetit dhe objektin e ri të Komunës së Kamenicës dhe disa biznese të cilat i udhëheqin femrat në qytetin e Kamenicës./rajonipress/