Ministria e Shëndetësisë suspendon Xhavit Hajdarin

Gjilan – Xhavit Hajdari është suspenduar nga pozita e drejtorit për shkak të arrestit shtëpiak prej një muaji thuhet në vendimin e sekretarit permanent Gani Shabani.

Pas vendimit prej një muaji të arrestit shtëpiak nga ana e gjykatësit Naser Maliqi ,ish drejtori i spitalit të Gjilanit Xhavit Hajdari është suspenduar edhe zyrtarisht nga kjo pozitë, nga ana e Ministrisë së Shëndetësisë.

Në vendimin e Ministrisë së Shëndetësisë që e ka siguruar rajonipress thuhet se Xhavit Hajdari suspendohet nga pozita e drejtorit për shkak të masës së arrestit shtëpiak prej një muaji.

Në vendimin e shkurtër të nënshkruar nga sekretari permanent Gani Shabani thuhet e suspendimi ka ardhë si rezultat i masës së arrestit shtëpiak,deri në marrjen e ndonjë vendimi tjetër.

Ndryshe ,Xhavit Hajdari, ish drejtor i Spitalit Rajonal të Gjilanit,ishte arrestuar nga policia e krimeve ekonomike nën dyshimin se ka kryer vepra penale korruptive dhe ka keqpërdorur pozitën e tij zyrtare, duke shkaktuar dëme të mëdha spitalit që e ka menaxhuar.

Periudha e menaxhimit të tij si drejtor, është manifestuar me shpërdorime të shumta është thënë në kallëzimin penal të policisë. Hajdari ndiqet fillimisht vetëm për mito dhe më vonë edhe për rastet tjera të dyshuara dhe të ngritura nga njësiti i krimeve të rënda./rajonipress/