Ministri Mujota s’regjistrohet në doktoratë

Ministri i Transportit, Fehmi Mujota nuk është pranuar në studime të doktoraturës në Universitetin e Prishtinës.Sipas standardit ministri Mujota ka dështuar për herë të dytë të pranohet.

Ai është ranguar i parafundit në listën e publikuar nga Fakulteti Juridik me 21 pikë të fituara në drejtimin Administrativ-Kushtetues.

Ndërkohë, Luz Balaj dhe Artan Fejzullahu janë pranuar në studime doktorate në Fakultetin Juridik në drejtimin Administrativ, ndërsa i parafundit në listë është renditur Fehmi Mujota, aktualisht Ministër i Transportit.

Standardi.info ka kontaktuar me ministrin Mujota, por ai nuk ka dashur të flas,duke u arsyetuar se “është i zënë”.

Mujota edhe vitin e kaluar pati konkurruar për studimet të doktoraturës, por nuk ishte pranuar pasi kishte dështuar konkursi.

Sidoqoftë, të shohim nëse Mujota do të regjistrohet pas përfundimit të konkursit apo do të vazhdojë të mbajë vetëm gradën shkencore MA.