Miniri ma dha faturën

Zafir Berisha ka thënë se e posedon faturën e hotelit përmes të cilës dëshmohet se gjatë një vizite në Amerikë, në dhomën e hotelit, Ramadan Muja ka harxhuar 750 dollarë duke shikuar filma pornografikë.

Këtë faturë, Kryetari i BD’së thotë se e ka siguruar nga Minir Krasniqi, drejtor i administratës në Prizren. Nga ana e tij, Muja thotë se akuzat janë të pabaza.

Zafir Berisha, ish-kryetar i PDK në Prizren, deklaratat e tij se kryetari i Komunës së Prizrenit, Ramadan Muja, ka harxhuar 750 dollarë duke shikuar filma pornografikë, i ka forcuar edhe më shumë.

Dikur anëtar i Partisë Demokratike të Kosovës në të cilën është edhe Muja, Berisha tash kryetar i Bashkimit Demokratik në Prizren ka thënë të premten për Express se posedon edhe faturën e hotelit ku kryetari Ramadan Muja gjatë një vizite në Amerikë, në dhomën e hotelit ka shpenzuar 750 dollarë duke shikuar filma pornografikë.

“Ai ka harruar krejt se në dhomën e hotelit regjistrohen edhe ato programe në faturë. Unë posedoj edhe faturën që kryetari i Komunës, Ramadan Muja, ka shikuar filma pornografikë në dhomën e hotelit gjatë një vizite sa ishte në Amerikë”, ka thënë Zafir Berisha për gazetë.

Ai thotë se faturën e dhomës ku ka qëndruar Kryetari i Prizrenit e ka siguruar nga një mik i kryetarit.

(Shkrimin e plotë mund ta lexoni në numrin e sotëm të gazetës Express)