Milot Rashica vendimtar në kohën shtesë në fitoren e Besiktasit

Milot Rashica ishte protagonist në fitoren e Beşiktaş JK të dielën mbrëma, duke dhënë asistimin vendimtar që siguroi tri pikët e plota në udhëtim te Başakşehir FK.

Ndeshja e xhiros së 22-të përfundoi 3-2 për Besiktasin, me Rashicën që hyri në lojë në minutën e 34-të dhe i dhuroi asistim të përkryer golit vendimtar në minutën e 96-të të kohës shtesë, në golin e shënuar nga Mustafa Hekimoglu.

Ky ishte asistimi i tretë i Rashicës në këtë edicion të Superliga e Turqisë, ndërsa ka shënuar edhe një gol.

Sipas vlerësimeve të SofaScore, Rashica u rendit ndër lojtarët më të mirë në fushë, duke marrë notën 7.4.

Gjithashtu, Kristjan Asllani luajti për Besiktasin deri në minutën e 74-të. Me këtë fitore, Besiktasi ngjitet në vendin e pestë të tabelës me 40 pikë. /Telegrafi/