Milaim Zeka duhet të rrijë 200 metra larg dëshmitarëve

Prokurori i EULEX-it, Maurizio Salustro, ka kërkuar që ndaj gazetarit Milaim Zeka, të ndërmerren masa. Prokurori konsideron se Zeka si autor i emsionit ‘Pa Rrotlla’ që transmetohet në televizionin publik (RTK), ka penguar procesin gjyqësor lidhur me rastin e “Grupit të Drenicës”. Këtë kërkesë të prokurorit italian Salustro, e ka miratuar gjyqtari i Gjykatës Themelore në Mitrovicë.

Në seancën e së hënës, gjykata ka vendosur që Zekës, autor i emisionit “Pa Rrotlla”, t’i ndalohet që tu afrohet dëshmitarëve të mbrojtur që janë të evidentuar nga prokuroria në dosjen e rastit të “Grupit të Drenicës”, ku janë të akuzuar 15 persona, ndër të cilët edhe Sylejman Selimi e Sami Lushtaku .
Gazetari Zeka i cili ka transmetuar një emision në RTK, në të cilën ka zbuluar fytyrën dhe ka prezantuar identitetin e një dëshmitari të mbrojtur, duhet që për 30 ditë, të rrijë së paku 200 metra larg dëshmitarëve, e po ashtu, bazuar në masën e shqiptuar nga gjykata, ai nuk ka të drejtë të komunikojë me ta qoftë me telefon apo e-mail…(Tribuna).