Milaim Syla nderohet me mirënjohje nga Komuna e Vitisë për kontributin në komunitet

Viti – Kryetari i Komunës së Vitisë, Sokol Haliti, ka ndarë mirënjohje për z. Milaim Syla, në shenjë vlerësimi për kontributin e tij të çmuar ndër vite në të mirë të komunitetit.

Gjatë ceremonisë së ndarjes së kësaj mirënjohjeje, Haliti theksoi se është kënaqësi e veçantë për komunën të ketë qytetarë të përkushtuar, të cilët punojnë vazhdimisht për të mirën e përbashkët të vendit.

Ai vlerësoi në mënyrë të posaçme angazhimin e z. Syla në fushën e arsimit, si dhe rolin e tij në forcimin e bashkëpunimit dhe afrimit ndërmjet komuniteteve dhe fshatrave nga ai vjen.

Me këtë rast, u theksua se kontributi i individëve që shërbejnë me përkushtim për vendin dhe qytetarët mbetet shembull i mirë dhe vlerë e rëndësishme për komunën./rajonipress/