Mikiq inspekton punimet, premton kushte më të mira

Gjilan – Projekti i asfaltimit të rrugës Ropotovë – Rajanocë është duke u përfunduar. Rruga e gjatë tre kilometra ka qenë në gjendje të keqe dhe ka paraqitur problem të madh për banorët e kësaj ane ka thënë Gradimir Mikiq.

Kryesi i punëve, firma “Bejta Komerc” nga Gjilani, ka filluar dhe është para përfundimit të asfaltimit të pjesës kryesore të rrugës Ropotovë – Rajanocë. Këtë rrugë e ka inspektuar edhe Gradimir Mikiq kryetar i Ranillugut i cili ka thënë se tashmë është bërë hapja e kanaleve, përgatitja për asfaltim është në përfundim derisa të gjitha punimet po edhe vet asfaltimi janë mbikëqyrur nga ekipet profesionale të Drejtorisë së shërbimeve Komunale për Urbanizëm, Kadastër dhe Gjeodezi ka thënë Mikiq.

Rruga në pjesën më të madhe ka përfunduar, pritet edhe përfundimi i punëve. Kryetari i komunës Gradimir Mikiq, zëvendës kryetari i Komunës Titomir Steviq dhe kryesuesi i Kuvendit të komunës Vlladica Aritonoviq kanë vizituar vendin ku janë duke u kryer punët, ku kanë biseduar me banorët e fshatit Rajanoc.

Banorët kanë shprehur falënderimet ndaj kryetarit dhe tërë udhëheqjes së Komunës së Ranillugut, dhe kanë falënderuar për realizimin e këtij projekti , sepse asfaltimi i kësaj rruge ka rëndësi vitale jo vetëm për banorët që jetojnë këtu, por edhe për fshatrat malore.

Kjo rrugë ka rëndësi edhe për banorët tjerë të komunës së Ranillugut, për çka kryetari Mikiq ka shtuar, që komuna është këtu për të ju dalë në ndihmë qytetarëve të saj, dhe se për aq sa ka mundësitë e saja do të siguroj kushte sa më të mira për jetë. /rajonipress/