Miglietta: Në rast trazirash nëse ka kërkesë, KFOR-i intervenon

Miglietta i pyetur se a do të intervenonte KFOR-i në Kosovë në rast të trazirave të mundshme, ka thënë se KFOR-i është mekanizmi i tretë intervenues në Kosovë dhe në rast të kërkesës që të intervenojë, KFOR-i është i gatshëm që të reagojë për të ruajtuar paqen dhe stabilitetin në Kosovë.

Komandanti i KFOR-it, Guglielmo Luigi Miglietta ka mbajtur një konferencë përmbyllëse të punës së tij në kampin e KFOR-it Film City.

Ai ka thënë se gjendja e sigurisë në Kosovë është e qetë por është shumë e brishtë derisa ka dënuar incidentin e djeshëm në Mushtisht dhe e ka quajtur atë si të panevojshëm, njofton Klan Kosova.

Miglietta i pyetur se a do të intervenonte KFOR-i në Kosovë në rast të trazirave të mundshme, ka thënë se KFOR-i është mekanizmi i tretë intervenues në Kosovë dhe në rast të kërkesës që të intervenojë, KFOR-i është i gatshëm që të reagojë për të ruajtuar paqen dhe stabilitetin në Kosovë.

Ai duke folur për Demarkacionin me Malin e Zi ka thënë se me kërkesë të ish-presidentes Atifete Jahjaga, KFOR-i i ka ofruar Komisionit Shtetëror disa harta për përdorim për shënjimin e kufirit me Malin e Zi duke mos dhënë detaje të tjera derisa ka insistuar se kjo është një çështje e brendshme e Kosovës.

Ai ka dënuar edhe sulmet mbi Kuvendin e Kosovës e poashtu edhe mbi RTK-në.