Migjen Basha vishet kuqezi kundër Norvegjisë

Ashtu siç edhe ishte paralajmëruar mesfushori shqiptar Migjen Basha është ftuar nga trajneri i Kombëtares Xhani De Biazi.
Mesfushori shqiptar për asport ka konfirmuar ftesën” Po, është e vërtetë ftesa ka ardhë në klub, dhe jam i lumtur për këtë”.

Megjithatë këtë ftesë Basha e ka pritur i rezervuar pasi dosja e tij është akoma ne duart e FIFA-së e cila pritet t’i kthej përgjigje. ” FIFA akoma nuk ma ka dhënë dritën jeshile që të luaj me Shqipërinë, pra e gjitha çfarë duhet të bëjë tani për tani është të pres që vendimi të merret sa më parë dhe natyrisht besoj që të jetë pozitiv” ka përfunduar ai.

Kujtojmë se Basha më herët ka luajtur edhe për përfaqësuesen zvicerane, dhe mu për këtë duhet leje speciale nga FIFA për ta lënë të lirë lojtarin.

Kështu Basha i bashkohet Valdet Ramës që luan me Valladolidin që pritet të debutojnë në ndeshjen kundër Norvegjisë.

Basha aktualisht luan me Torinon në SERIE A, dhe është i parapëlqyeri i trajnerit italian të Kombëtares Shqiptare.