Metaj ftohet kundër Haitit
RajoniPress
08:23, 20 Shkurt, 2014
Mesfushori i ekipit holandez, FC Emmen Shkodran Metaj është ftuar nga selektori Albert Bunjkau për ndeshjen miqësore ndaj Haitit, e cila do të luhet me 5 mars në Mitrovicë. Këtë e ka konfirmuar klubi holandez në uebfaqen e saj zyrtare.
“Shkodran Metaj ka marrë ftesë që t’i bashkohet ekipit të Kosovës nga 2 deri me 6 mars. Kurse, me 5 mars do ta zhvilloj ndeshjen ndërkombëtare ndaj Haitit”, shkruan në njoftimin e klubit holandez.
Ish mesfushori i Groningenit më herët ka luajtur për ekipin U-21 të Holandës. 26 vjeçari ka debutuar me tulipanët në vitin 2009, derisa ka zhvilluar pesë ndeshje dhe ka realizuar një gol për këtë përfaqësues.
