Meta: Djegia e veturave është akt terrorist, Qosja maestro i dhunës

Nga Bardhyl Meta – Djegia e Veturave – është kërcënim Terrorist i ngjashëm me ato aktet fillestare të RAF-it (“Red Army Faction”;Fraksionit të Armatës së Kuqe”) të fillim viteve të 70-ta në Gjermani – nga ekstremi ultra majtist! Sonte, legjitimitetin final dhunës – jo vetëm në Kuvend, por edhe në Sheshe e gjithandej – do t’ia jep Maestroja i “Revolucioneve të vonuara Demokratike”, ideologu i falangave të Zani Çaushit të 1997-ës së Shqipërisë – Akademik Rexhep Qosja!

Kohë më parë u dogj vetura ebashkëshortes së Ministrit Memli Krasniqi, pastaj ishte tentimi që me mjete terroristësh (nga më të sofistikuarat) të ndalohet eskorta e Kryeministrit Isa Mustafa – të cilit rishtas iu hodh edhe një koktej Molotovi tek shtëpia e tij familjare – pastaj ndërkohë, djegia edhe e disa makinave tjera të agjencive dhe të Institucioneve të shtetit, tutje vetura e bashkëshortes së Bajram Gecajt, në ndërmjet ndërkaq – s’digjet, por i shpohen gomat me thikë veturës së publicistit Adriatik Kelmendit…, para pak ditësh, digjet ajo e Kryetarit të Grupit Parlamentar të PDK-ës zotit Grabovci – ndërkaq sot, herët në mëngjes, digjet edhe vetura e Grupit Parlamentar të LDK-ës, respektivisht e kryetarit të grupit, z.Ismet Beqirit…!?
Të gjitha, pa asnjë dyshim – të motivuara politikisht!
***
Një politikan dhe publicist i mirënjohur kosovar, ditë më parë, në një shkrim të gjatë rreth Martin Luther Kingut, mes tjerash shkruante se: “Filibustering” është e drejta e deputetit apo e grupit që të flasë pandërprerë, duke mos lënë kënd tjetër ta marrë fjalën, derisa të mos arrihet një marrëveshje politike mes palëve kundërshtare politike për zhbllokimin e Parlamentit”, duke vazhduar, në të njëjtën frymë, fill pas ilustrimit të rastit Filibustering se, “Në mungesë të institucionit “filibustering”, në Kuvend të Kosovës, opozita këtë rol ia ka dedikuar gazit lotsjellës”.
***
– Gjithherë sipas kësaj logjike (do të shtoja unë), po i bie se – “filibustering-u” Kosovar, i konvertuar e pasuruar në gaz lotsjellës në Parlamentin tonë – në mungesë të rezultateve aty, sikur paska ngajrë n’Angli – është rikonvertuar e pasuruar edhe më shumë – në ambientin e hapur të shesheve, në bomba Mollotovi për Policinë, në bomba Mollotovi për ndërtesat dhe institucionet e shtetit, në bomba Mollotovi për veturat e shtëpitë e oponentëve politik, si dhe në bomba Mollotovi për veturat e grave e familjarëve të oponentëve…!?
Është përdor e po përdoret Mollotovi – i cili shyqyr Zotit, njëherë për një herë, po djeg e karbonizon “vetëm” veturat – pa pasagjerë, dhe po e djeg, edhe hyrjen e shtëpisë familjare të Kryeministrit…?!
– A është, dhe a mund të jetë ky ngushëllimi – që ne ende s’kemi deputet apo ministra të karbonizuar…!?
Jo! Natyrisht se Jo!
– A mund të shkojë puna më largë…, me akte edhe më të shëmtuara, e të përgjakura terroriste?
Po! Natyrisht, se mund të shkojë!
***
Nëse Ju kujtohet, në një nga demonstratat “paqësore” rishtazi – protestuesit – me anë të mbushjeve “Mollotov” – deshën të shkrumbojnë e karbonizojnë për se gjalli, edhe disa policë të Kosovës…!