Mesi, rekordi i golave
RajoniPress
21:52, 5 Prill, 2012
Argjentinasi bëhet futbollisti që ka shënuar më shumë gola në harkun e një sezoni, gjatë gjithë historisë së futbollit evropian, teksa Barcelona fitoi 4:1 ndaj Malagës. Lionel Mesi “foli” për herë të fundit në pjesën e parë, teksa shënoi një penallti të diskutueshme në të 30-n.
Në 45 minutëshin e dytë ai kompletoi het-trikun. Sulmuesi argjentinas ka thyer rekordin e Gerd Mylerit, në lidhje me sasinë më të madhe të golave të shënuar brenda 1 sezoni europian, pas tripletës së shënuar në “Camp Nou” ndaj Malagës.
Legjenda gjermane kishte shënuar 67 gola për Bajernin e Mynihut në sezonin 1972-73. 24-vjeçari ka shënuar 46 gola në La Liga, 14 në Champions, 3 në Superkupën e Spanjës, 2 në Kupën e Mbretit, 2 në Botërorin për Klube dhe 1 në Superkupën e Europës.
