Merret vendim për ndërtimin e shtëpive në Kosovën Lindore

Bujanoc – Kryesia e fondit falënderon të gjithë bashkatdhetarët mërgimtarë, por edhe ata në vendlindje, që për këtë aksion deri tash kanë akorduar ndihma për ndërtimin e shtëpive, dhe njëkohësisht fton të tjerët që me kontributet e veta t`i bashkohen këtij aksioni humanitar kombëtar.

Kryesia e VI (gjashtë) e Fondit Humanitar të Kosovës Lindore – Preshevë, Bujanoc, Medvegjë, në Zvicër, mbajti mbledhjen e saj të XII (dymbëdhjetë) në të cilën u shqyrtua aktiviteti i fondit gjatë viti 2013.

Me këtë rast u vlerësua se gjatë vitit paraprak fondi kishte aktivitet të ngjeshur dhe u pranuan raportimet e komisioneve për verifikimin e të dhënave në lutjet e bashkëvendësve për ndërtimin e shtëpive familjeve pa kulm mbi kokë. U konstatua se gjithsejte, në tri komuna: Preshevë, Bujanoc, e Medvegjë, për ndërtim të shtëpive kanë aplikuar 214 familje.

Komisioni verifikues ka konstatuar se një numër i konsiderueshëm i aplikuesëve janë në gjendje tejet të rëndë ekonomike e materiale, dhe që në asnjë mënyrë nuk munden vet ta përmirësojnë këtë gjendje.

Duke u mbështetë në këto të dhëna të komisionit verifikues, dhe nga lutjet e parashtruara, kryesia e fondit, për fazën e parë, ka vendosë që të ndërtojë 14 (katërmbëdhjetë) shtëpi, edhe atë: në Medvegjë 1 (një) shtëpi, në Bujanoc 7 (shtat) shtëpi, dhe në Preshevë 6 (gjashtë) shtëpi.

Kryesia ka vlerësuar se në këto 14 raste domosdo duhet të veprohet sa më parë në mënyrë që të pengohet rrënimi i mëtutjeshëm i shëndetit të anëtarëve të këtyre fa- miljeve, ndërsa për të tjerë do të veprohet në fazën (turin) e dytë, por jo më larg se vjeshtën e këtij viti.

Kryesia e fondit falënderon të gjithë bashkatdhetarët mërgimtarë, por edhe ata në vendlindje, që për këtë aksion deri tash kanë akorduar ndihma për ndërtimin e shtëpive, dhe njëkohësisht fton të tjerët që me kontributet e veta t`i bashkohen këtij aksioni humanitar kombëtar.

Poashtu kryesia e fondit falënderon edhe dy qeveritë, atë Shqiptare dhe të Kosovës, për ndihmën e ofruar dhe iniciativën për themelimin e një fondi humanitar, me bindje se kjo ndihmë me kohë do të rritet edhe më shumë thuhet në njoftimin e Kryesisë së Fondit Humanitar të Kosovës Lindore Preshevë, Bujanoc, e Medvegjë./rajonipress/