Mërgimtarët duan t’i shohin ministrat duke pritur në kufi

Temperaturat nën minus që po mbretërorin të dielën nuk po e pengonin Xhevdet Rexhepin që të rrinte jashtë kamionit për të pritur nëse dikush nga mërgimtarët do ta hapte xhamin e veturës për të blerë diçka, shkruan sot Koha Ditore.

Ai i pret e i përcjell të gjithë bashkatdhetarët që ia mësyjnë pikës kufitare të Merdarit. Nuk është me rëndësi a janë duke hyrë apo duke dalë nga Kosova.

Xhevdeti duhet të dalë aty sa herë që ka pritje. Kjo është puna e tij. Që nga viti 2006 ai ka filluar të shesë gjëra ushqimore të paketuara, së pari me një tezgë e më vonë edhe me kamion, përskaj magjistrales Podujevë-Merdar, rreth 300 metra larg pikës kufitare. Përskaj tij duhet të kalojnë të gjithë, por jo të gjithë blejnë.

“Bjeri bre qaty dy orbita…”, po i thoshte njëri nga bashkatdhetarët që po priste në kolonën e gjatë në Merdar.

Xhevdeti i zgjedh dy çamçakëzë me shije dredhëze. Por, shoferi ia kthen.

http://koha.net/?id=27&l=91908