Mercy Corps ndihmon bizneset individuale në Ranillug

Gjilan – Organizata ndërkombëtare humanitare , e regjistruar në SHBA, e njohur si Mercy Corps ka vazhduar programin e saj në ofrimin e ndihmës për banorët e komunës së Ranillugut, të cilët janë të gatshëm të fillojnë biznesin e tyre personal.

Kjo organizatë ka ndihmuar nga fshati Ropotov e madhe Zvonimir Vasiqin të cilit i ka ndarë ndihmë, që në një mënyrë të i ndihmoj që të ketë sukses në zhvillimin e bletarisë në këto hapësira.

Bëhet fjalë për projektin që kap vlerën prej 10 000 eurove, në bazë të së cilës i janë ndarë mjete për bletë dhe mjetet përcjellëse – pajisjet për nxjerrjen e mjaltit dhe makinën për paketim të mjaltit.

Para ndarjes së ndihmës, përfituesit potencial nga komunat tjera dhe përfaqësuesit e Mercy Corps-it, të prirë nga drejtori Li Norgard, e kanë vizituar Zvonimirin, për të vërtetuar se a ekzistojnë kushtet për realizimin e këtij projekti.

Që projektet të realizohen , gjegjësisht, një nga kushtet kryesore për përfitimin e ndihmës dhe përkrahjes nga ana e kësaj organizate është, që ndërmarrësi të punësoj numrin e caktuar të njerëzve, në afat të caktuar, në përputhje me vlerën e projektit.

Mercy Corps në koordinim me komunën e Ranillugut, në periudhën e ardhshme do të vazhdoj të realizoj projekte dhe në këtë mënyrë të ju ndihmoj ndërmarrësve dhe qytetarëve të cilët janë të gatshëm të fillojnë me biznes personal./rajonipress/