Mëngjes pranveror
Poezi për fëmijë nga Nijazi Kastrati
Bukur nga koteci
Këngës ia thonë gjelat
Grumbuj mbi pemë
Cicërojnë harabelat.
Cicërima t’larmishme
Simfoni e gjallë
Në natyrë të bukur
Po si në përrallë.
Shpezë nga më të ndryshmet
Të verdhë, të larëm, të kuq
Sa shumë më pëlqeu
Afër një gushkuq.
Natyrë e mëngjesit është kjo
Që të dhuron kënaqësi
Me bukuri të rralla
Të mbush shpirtin lumturi!