Mehmeti: Kuvendi Komunal ishte në shërbim të qytetarëve

Gjilan – Kuvendi komunal gjatë këtij viti ishte në shërbim të qytetarëve të komunës së Gjilanit, duke u shndërruar në një mekanizëm të realizimit të kërkesave të qytetarëve direktë dhe indirektë duke trajtuar çdo problem qytetar dhe adresim të shpejtë dhe me kohë në institucione kompetente jashtë fushës së përgjegjësisë së kuvendit komunal u shpreh Arben Mehmeti këshilltar nga LDK-ja dhe njëri nga më kritikët për zbatimin e ligjit brenda institucioneve komunale.

Arben Mehmeti është aktiv dhe ndërhynë në të gjitha rastet ku mendon se ka shkelje ligjore ose ku mendon se ligji duhet të zbatohet me përpikëri.

Duke folur për zhvillimet brenda Asamblesë Komunale Mehmeti mendon se ajo e ka kryer punën e saj si është më së miri. “Kuvendi komunal gjatë këtij viti ishte në shërbim të qytetarëve të komunës së Gjilanit, duke u shndërruar në një mekanizëm të realizimit të kërkesave të qytetarëve direktë dhe indirektë duke trajtuar çdo problem qytetar dhe adresim të shpejtë dhe me kohë në institucione kompetente jashtë fushës së përgjegjësisë së kuvendit komunal” u shpreh Arben Mehmeti këshilltar nga LDK-ja dhe njëri nga më kritikët për zbatimin e ligjit brenda institucioneve komunale.

“Për të deklaruar këtë më lartë bazohem edhe në funksionalitetin e Kuvendit konformë edhe kërkesave të opozitës që në pjesën më të madhe janë marrë parasysh dhe se vendimet kanë qenë me koncenzues në të shumtën e rasteve. Pra kuvendi komunal ka kryer obligimet zyrtare konformë përgjegjësisë institucionale dhe qytetare” tha Mehmeti./rajonipress/