Mehmeti ‘kuqezi’
Sulmuesi kosovar, Agon Mehmeti edhe zyrtarisht do të jetë pjesë e Kombëtares së Shqipërisë. Lajmin e ka bërë të ditur vetë futbollisti i skuadrës portugeze Olhanense, nëpërmjet profilit të tij zyrtar në rrjetin social ‘Facebook’.
Mehmeti konfirmoi ftesën e Shqipërisë dhe u shpreh krenar për një gjë të tillë. “Tifoz të dashur të futbollit, tani mund të lajmëroj me krenari se jam përzgjedhur në Kombëtaren e Shqipërisë në futboll”, shkroi Mehmeti.
Lojtari është i huazuar tek Olhanense nga skuadra italiane Palermo, ndërsa qysh në debutim në kampionatin portugez ka arritur të shënoj gol duke i siguruar fitoren skuadrës së tij përballë Ferreiras.