Mehmedi: Shqiptarët duhet të jenë krenarë me ne

Përballja me Kombëtaren shqiptare ishte emocionuese për Agon Mehmedin, i cili u aktivizua në pjesën e dytë për përfaqësuesen e Zvicrës, e cila triumfoi në Tiranë me rezultat 1:2.

“Ndeshje ishte emocionuese pasi kemi luajtur kundër vendlindjes, por jam i lumtur që u kualifikuam në Brazil”, ka deklaruar sulmuesi me prejardhje nga Gostivari.

Sulmuesi i ekipit gjerman Freiburg thotë se të gjithë shqiptarët duhet të jenë krenar me kualifikimin e Zvicrës në ‘Brazili 2014’, pasi aty luajnë gjashtë lojtarë shqiptarë.

“Të gjithë tifozët shqiptarë duhet të krenohen me ne pasi kemi arritur të kualifikohemi në Kampionatin botëror”, theksoi ish sulmuesi i Zurichut dhe Dinamo Kievit./express/