Mehmedi: Duhet të luftojmë shumë për mbijetesë

Sulmuesi shqiptar, Admir Mehmedi, ka thënë se skuadra e tij, Freiburg, duhet të luftojë shumë këtë edicion, nëse dëshiron që të sigurojnë ekzistencën. Ai ka thënë se është i lumtur që po arrin të shënojë gola për Freiburgun. Mehmedi në fundjavë shënoi golin e vetëm për skuadrën e tij në barazimin 1:1 ndaj Hertha Berlinit.

“Ne duhet të luftojmë këtë vit jashtëzakonisht shumë për të siguruar ekzistencën. Unë do të mundohem të kontribuoj me sa më shumë gola”, ka thënë Mehmedi të martën për “sport.ch”.

Mehmedi 22-vjeçar këtë edicion te Freiburgu po luan në formë huazimi nga skuadra ukrainase, Dinamo Kiev.

Ai në pesë ndeshje të zhvilluara në Bundesliga 1 të Gjermanisë me Freiburgun ka shënuar dy gola. Një gol e një asist ka edhe në Ligën e Evropës.