Mediet italiane: Cana, lideri i ri i Lazios

Romë, 13 qershor – Shtylla kurrizore e Lazios është ndërtuar. Marcheti midis shtyllave, Klose qëndërsulmues, Dias në mbrojtje, Ledesma organizator, Hernanes për të ndriçuar lojën, Luliç për të vrapuar.

Njeriu që i lidh të gjithë këta është, Lorik Cana. Mesfushori shqiptar, sipas italianes “Corriere dello Sport”, do të marrë përsipër rolin e liderit të Lazios së trajnerit të ri, boshnjako-kroatit, Vladimir Petkoviq.

“Lorik Cana, siç shkruan “Corriere dello Sport’, – ishte shumë i pritur, pati një periudhë të komplikuar në kampionatin italian, ishte i dënuar nga moduli (i ish-trajnerit Edy Reja), qëndroi jashtë fushave për të tre muaj për shkak të dëmtimit, e ri-gjeti veten në Lazio gjatë fund-sezones, duke dëshmuar vlerat e tij”.

Shqiptari është në qendër të projektit të Petkoviçit. Cana dhe Ledesma do të përfaqësojnë thelbin dhe ekuilibrin e skuadrës.