Mediat serbe i thurin lavde Adnan Januzajt të Unitedit

Menaxheri i Manchester United, Alex Ferguson ka nisur të mendoj për stinorin e ardhshëm. Megjithatë, në vend të emrave të mëdhenj nga klubet tjera, skocezi legjendar ka vendosur të shikoj kah skuadra e të rinjve, kurse njëri nga këta futbollist sipas shijes së tij është kosovari Adnan Januzaj (18), anëtar i skuadrës të të rinjve të “Djajve të Kuq”.

“Futbollistët e vjetër si Ryan Giggs, Paul Schols dhe Rio Ferdinand janë në fund të karrierës së tyre, mirëpo ne kemi grupin e futbollistëve të rinj për 5-6 vitet e ardhshme, si Adnan Januzaj, i cili ka potencial të madh. De Gea, Rafale, Phil Jones, Smoling, Buttner, Cleverly, Welbeck, Kagawa, Chicharito, Evans, këta janë futbollistët e së ardhmes”, ka thënë Ferguson.

Këtë deklaratë të Fergusonit e kanë transmetuar mediat serbe, kurse e përditshmja “Kurir” i ka vendosur titullin: Beckhami i ri: Shqiptari nga Kosova ylli i ri i Unitedit.

Januzaj është i lindur në Kosovë, por si fëmijë ka emigruar me familje në Belgjikë. Në United ka ardhur nga shkolla e Andelechtit në vitin 2011. Ai është i lindur më 5 shkurt, njëjtë si Ronaldo, mirëpo stili i lojës së tij i përngjan më shumë David Beckhamit.

Adnani në stinorin e ardhshëm pritet të jetë pjesë e skuadrës së Unitedit, derisa ka mundësi që të debutoj në ndeshjen e ardhshme në Premier Ligë, pasi që “Djajtë e Kuq” e kanë siguruar titullin. (ORAinfo)

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).