Mediat amerikane ia huqën lajmit më të madh në vend

Dy nga mediat më të mëdha, CNN dhe Fox News, ia kanë huqur sot lajmit për vendimin e Gjykatës Supreme për ta mbështetur ligjin për reformën e kujdesit shëndetësor.

Problemi filloi në CNN. Korrespodenti Kate Boulduan ka lexuar një pjesë të Gjykatës, e cila totalisht gabim. Më e keqja është se edhe në shiritin e lajmeve, shkonte “ekskluziviteti i gabuar”.

“Supremja vret mandatin individual”, shkruhej në “breaking news” të CNN.
Ndërkohë gabim hiç më pak të trashë ka bërë edhe Fox News që ka përsëritur gabimin e njëjtë duke menduar se Supremja amerikane nuk i ka dhënë mbështetjen ligjit.

Madje gazetarët e dy mediave e kanë quajtur edhe “goditje të madhe” për presidentin Obama mosmbështetjen e ligjit.
Por në anën tjetër, presidenti amerikan tashmë veç kishte filluar të jepte mesazhet e fitores.

“Gjykata më e lartë në vend ka folur”, ka thënë Obama, pas mbështetjes së ligjit për reformën e kujdesit shëndetësor, duke e quajtur më tutje si një fitore të popullit amerikan. /Indeksonline/