Mobi Casa

Mediat: Albert Einstein i ri është një 15-vjeçar francez

/ 2 minuta lexim
Mobi Casa

Francë – Mediat franceze e kanë cilësuar si Albert Einstein e ri. Me siguri ky 15-vjeçar ka dhunti të veçanta, pasi ka arritur të publikojë që në këtë moshë një studim për galaktikën, në revistën Nature.

Neil Ibata quhet djaloshi që frekuenton ende liceun, ndërsa kur ka kohë të lirë shkon të bëjë stazh në observatorin e qytetit, ku punon i ati.

Studimi ka zbuluar se rreth galaktikës Andromeda rrotullohen shumë galaktika të tjera xhuxhe, që formojnë një disk të përsosur që rrotullohet.

Hidromorava

Kontributi i Neil, në këtë studim, sipas babait të tij që është edhe autori kryesor, ka qënë vendimtar. Në një intervistë ai shpjegon se: “Në fund të verës kisha dëshirë t’i mësoja programimin dhe i kërkova të modelonte pikërisht lëvizjen e këtyre galaktikave xhuxhe. Në vetëm një javë Neil arriti të zbulojë që ato krijonin një disk që rrotullohet”, thotë ai.

Rëndësia e këtij zbulimi është pasqyruar edhe në faqet e Narture. “ Këto rezultate vënë në pikëpyetje të gjithë teoritë për formimin e galaktikave”, shkruan Brent Tully nga universiteti i Hawaii.(ma.ar/BalkanWeb)