Më shumë njerëzit kanë telefona mobilë sesa toalete në botë

Organizata e Kombeve të Bashkuara ka filluar një fushatë për kushte më të mira sanitare në botë. 6 nga 7 miliardë banorët e planetit kanë telefona mobilë, ndërsa vetëm 4.5 miliardë kanë qasje në toalete dhe pikërisht për këtë fakt Organizata e Kombeve të Bashkuara ka filluar këtë fushatë.

Zëvendëssekretari i përgjithshëm i OKB-së, Jan Elijason, ka paralajmëruar këtë fushatë globale për kushte më të mira sanitare për njerëzit që bëjnë jetë katastrofale në varfëri dhe janë të pabarabartë në botë.

Elijason tha se për mosekzistimin e toaleteve për më shumë se 1.1 miliardë banorë në botë rrallë flitet në OKB.

Megjithatë zgjidhja e problemeve duhet të fillojë menjëherë që të arrihet objektivi i OKB-së që deri më 2015 të sigurohen hapësira sanitare edhe për njerëzit që nuk kanë toalete.(albinfo)