Me pasaporta e të izoluar

Kosovarët e festuan edhe një herë Ditën e Evropës, ashtu të izoluar nga Evropa. Çdo vit nga shtetësia e Kosovës heqin dorë rreth 4 mijë persona. Por për ata që kanë dy shtetësi, situata është ndryshe, shkruan Tribuna.

Me pasaportat e Kosovës mund të kalosh vetëm në Shqipëri, Maqedoni dhe Mal të Zi. Por ka dikush që ka dy nënshtetësi dhe kalon nëpër rrugët e tjera që nuk lejohen me pasaportë kosovare, pa pikë problemi.

I tillë është edhe E.U. ai ka dy pasaporta, të Kosovës dhe Malit të Zi.

Kur niset të kalojë kufirin e Kosovës ai merr me vete pasaportën e Kosovës.

E kur niset më larg, e merr me vete edhe atë të malit të zi. Krejt kjo pasi Kosova as që ka hyrë deri më tash në procesin e liberalizimit të vizave.