Mbytet në lumë 52-vjeçari shqiptar në Itali
RajoniPress
07:38, 25 Korrik, 2023
Raportohet se një 52-vjeçar shqiptar ka vdekur në Itali, përcjell albinfo.ch.
Bëhet fjalë për A.Gj., i cili kishte hyrë për t’u freskuar në një lumë në zonën e Pedrerës, por nuk doli gjallë nga aty.
Ngjarja tragjike ndodhi pasditen e së dielës, në sy të familjes.
Siç shkruajnë mediat italiane, Gjyla, i cili banonte në Comezzano Cizzago, pas drekës kishte vendosur të bënte një zhytje, duke kaluar urën e rrugës Provinciale dhe duke shkuar në bregun e Soncino.
Megjithatë, sapo hyri në lumë, u zhduk nën ujë.
Disa burra vrapuan menjëherë për t’i dal në ndihmë.
Ata derisa ishin duke pritur ambulancën dhe helikopterin për ta dërguar në spital, i dhanë ndihmën e parë.
52-vjeçari u dërgua me urgjencë në spital, por vdiq pak pasi u shtrua.
