Mbyllja e listave, goditje për demokracinë

Inicimi i ri i Reformës zgjedhore nga kreu i shtetit, Hashim Thaçi, dhe lansimi i idesë për thjeshtësimin e votimit, me qëllim të parandalimit të abuzimit të votave, nga njohësit e fushës së legjislacionit zgjedhor dhe analistët po shihet si një përpjekje për abuzim me demokracinë e brishtë kosovare, duke rikthyer edhe një herë sistemin elektoral të listave të mbyllura.

Analistë, politikanë, aktivistë, kundër propozimit.

Mbyllja e listave shihet si përpjekje për të fuqizuar liderët partiakë dhe për të dëmtuar demokracinë e drejtpërdrejtë,raporton Gazeta Kosova Sot

I nicimi i ri i Reformës zgjedhore nga kreu i shtetit, Hashim Thaçi, dhe lansimi i idesë për thjeshtësimin e votimit, me qëllim të parandalimit të abuzimit të votave, nga njohësit e fushës së legjislacionit zgjedhor dhe analistët po shihet si një përpjekje për abuzim me demokracinë e brishtë kosovare, duke rikthyer edhe një herë sistemin elektoral të listave të mbyllura.

Aq me tepër ky dyshim vjen e bëhet akoma më i bazuar nga fakti që, paraprakisht, para disa javësh, PDK-ja dhe LDK-ja ishin deklaruar hapur për opsionin e mbylljes së listave zgjedhore, kurse kjo temë vjen e hapet në kohën kur në mesin e partive politike po përjetohen ethet nga mundësia e shkuarjes së shpejtë në zgjedhje të parakohshme. Për ekspertë të kësaj fushe, kthimi i listave të mbyllura zgjedhore do të ishte një krim i rëndë i politikës kriminale mbi demokracinë e re të filluar në Kosovës, prandaj ky opsion vazhdon të kundërshtohet fuqishëm edhe nga ekspertët e pa varur edhe nga shoqëria civile. “Liderët e partive politike pozitare synojnë që me metoda makijavelise të mbeten dhe në politikë dhe për të mbajtur pushtetin, edhe pse të njëjtin e kanë bastarduar e degjeneruar skajshmërisht. Ndaj edhe opsioni i aplikimit të listave zgjedhore të mbyllura hyn në vargun e instrumenteve, të cilat të njëjtit synojnë t’i aplikojnë për të rimarrë pushtetin dhe të njëjtin për ta mbajtur e ushtruar edhe përkundër dështimeve evidente të deritashme”, tha prof. Riza Smaka.

Partitë, si korporata biznesi Deputeti Ismail Kurteshi nga Lëvizja ‘Vetëvendosje’ gjithashtu konsideron se mbyllja eventuale e listave zgjedhore do të ishte në deformim akoma më i thellë i sistemit zgjedhor dhe demokracisë së re kosovare.”Mbyllja e listave zgjedhore është një hap i madh prapa sa i përket zgjedhjeve demokratike. Mbyllja e listave zgjedhore i fuqizon liderët partiakë, edhe ashtu të fuqishëm, më shumë sesa që realisht duhet të ishin. Ky propozim nuk ka për synim demokratizimin e zgjedhjeve, por synon pikërisht të kundërtën centralizimin e plotë të tyre, për çka kanë nevojë vetëm ata liderë që i frikohen konkurrencës, ata liderë që u frikohen vlerave dhe që e ndiejnë veten mirë vetëm kur janë të rrethuar nga servilët e paaftë”, tha ai. “Mbylljen e listave e përkrahin ata që nuk e kanë përkrahjen e qytetarëve dhe që të vetmen mundësi me i përfaqësuar qytetarët pa e pasur përkrahjen e tyre e kanë përmes kësaj forme diktatoriale, si dhe liderët që partitë politike i shohin si korporata biznesi e jo si organizata ku zhvillohen idetë dhe debatet politike, ku ka konkurrencë dhe ballafaqim të mendimit dhe shprehjes së lirë njerëzore e politike. Pra, mbyllja e listave zgjedhore i fuqizon liderët politikë që preokupim e kanë fatin e tyre e jo të vendit dhe në anën tjetër i margjinalizon votuesit, duke i sjellë ata në pozitë merre ose lere”, tha Kurteshi nga ‘Vetëvendosje’.

Ai ka kërkuar që të gjitha subjektet politike që janë të interesuara për zhvillimin e demokracisë, për konkurrencë të ideve që çojnë drejt zhvillimit të gjithmbarshëm të një shoqërie duhet të ngulin këmbë në kundërshtimin e këtij propozimi absurd e qëllimkeq, kurse as qytetarët nuk duhet pranuar një lojë të tillë që ata i shndërron në makina votimi për interesa të liderëve./kosova sot/